М Е С Я Ц     И Ю Н Ь

1. Преподобнаго отца нашего Агапита Печерскаго, безмезднаго врача

Величание

Ублажаем тя, преподобне отче Агапите, и чтим святую память твою, монашеских подвигов ревнителя и болящих душею и телом врача безмезднаго.

Псалом общий преподобному:

Терпя потерпех Господи.

5. Святаго благовернаго великаго князя Игоря Черниговскаго

Величание и псалом общие князю мученику, пострадавшему от близких.

5. Святаго благовернаго князя Феодора Новгородскаго

Величание и псалом общие князю юноше.

6. Иже во святых отца нашего Ионы, еписопа Великопермскаго

Величание и псалом якоже святителю Стефану 26 апреля.

6. Преподобнаго отца нашего Ионы Климецкаго

Величание общее преподобному.

Псалом преподобным подвизавшимся на островах:

Господь воцарится да веселятся острови.

8. Святых благоверных князей Василия и Константина Ярославских

Величание

Величаем вас, святии благовернии князе Василие и Константине, и чтим подвиги и труды ваши, ихже вы во славу Христа Бога и во устроение земли вашей совершисте.

Псалом

Князи да восхвалт имя Господне.

Поставиши их князьями по всей земли.

Князи людстии собрашася с Богом Авраамлим.

Божии державнии земли зело вознесошася.

Держава Господь боящихся Его.

Раб Твой есмь аз.

Закон Бога его в сердце его, и не запнутся стопы его.

Се что добро, или что красно, но еже жити братии вкупе.

Господи, возлюбих благолепие дому Твоего.

Уготовихся и не смутихся сохранити заповеди Твоя.

На Бога уповах, и не убояся, что сотворит мне человек.

Внегда скорбети ми, призвах Господа, и к Богу моему воззвах.

В руках Твоих жребий мой.

Святым, иже суть на земли Его, удиви Господь вся хотения Своя в них.

9. Иже во святых отца нашего Кирилла, архиепископа Александрийскаго

Величание

Величаем тя, святителю отче Кирилле, злословия терние изкоренившаго, учения же православия насадившаго и Пречистую Деву Марию, яко истинную Богородицу славити научившаго.

Псалом общий великим вселенским святителям:

Услышите сия вси языцы.

11. Иконы Пресвятой Богородицы, именуемой Достойно есть-Милующая

Величание

Достойно есть величати Тя, Богородице, Честнейшую Херувим и славнейшую без сравнения Серафим.

Псалом общий Богородице второй:

Слыши, Дщи, и виждь.

12. Преподобнаго отца нашего Арсения Коневскаго

Величание общее преподобному

Псалом преподобным подвизавшимся на островах:

Господь воцарися, да веселятся острови.

14. Святаго благовернаго князя Мстислава Новгородскаго

Величание и псалом общие князю-правителю.

18. Иконы Пресвятой Богородицы, именуемой Боголюбская

Величание

Величаем тя, Пресвятая Дево, и чтим образ твой святый, егоже благоверный княз Андрей даде нам на врага в победу и всем верным во спасение¹.

Псалом общий Богородице Первой:

Помяну имя Твое.

20. Святаго благовернаго князя Глеба Владимирскаго

Величание и псалом общие князю-юноше.

23. Иконы Пресвятой Богородицы, именуемой Владимирская

Величание

Величаем тя, Пресвятаяя Дево, и чтим святую икону Твою Владимирскую, еюже многажды град Москву и всю Русскую землю спасала еси.

Псалом

1. Исповемся Тебе всем сердцем моим, повем вся чудеса Твоя.

2. Возрадуемся о спасении Твоем.

1. На Тя уповаша отцы наши.

2. К Тебе воззваша и спасшася, на Тя уповаша и не постыдешася.

1. Призре на молитву смиренных и не уничижи моления их.

2. Ты людей смиренных спасеши.

1. Во смирении нашем помяну нас.

2. Ты еси прибежище мое от скорби одержащии мя.

1. От всех скорбей моих избави мя.

2. Радосте моя, избави мя от обышедших мя.

1. Яви нам милость Твою, и спасение Твое даждь нам.

2. О имени Твоем уничижим востающих на нас.

1. Вечер водворится плач, и заутра радость.

2. Да напишется сие в род ин, и людие грядущии восхвалят Господа.

25. Преподобнаго и благовернаго князя Петра, во иноцех Давида, и преподобныя и благоверныя княгини Февронии, в инокинях Евросинии, Муромских чудотворцев

Величание

Ублажаем вас, преподобнии и благовернии княже Петре и княгине Феврони, и чтим святую память вашу, вы бо молите за нас Христа Бога нашего.

Псалом общий князю-иноку:

Блажен муж бояйся Господа.

26. Иконы Пресвятой Богородицы, именуемой Тихвинская

Величание

Величаем Тя, Пресвятая дево, и чтим образ твой святый, в благословение Русской земле от Царь-града по воздуху дивно принесенный.

Псалом общий Богородице первый:

Возвеселюся и возрадуюся о Тебе.

27. Преподобнаго отца нашего Сампсона Странноприимца

Величание

Ублажаем тя, преподобне отче Сапсоне, и чтим святую память твою, ты бо молиши за нас Христа Бога нашего.

Псалом

Блажен муж, бойяся Господа, в заповедях Его восхощет зело. Священницы Твои облекутся правдою и преподобнии Твои возрадуются.

Господи, возлюбих благолепие дому Твоего.

Блажени живущии в дому Твоем в веки веков восхвалят Тя.

Благовестих правду в церкви велицей.

Приидите, чада, послушайте мене, страху Господню научу вас.

Блажен разумеваяй на нища и убога.

Весь день милует и взаим дает праведный.

Тебе оставлен есть нищий, сиру ты буди помощник.

Расточи, даде убогим.

Все ложе его обратил еси в болезни его.

Господь хранит прищельцев, сира и вдову приимет.

Уповай на Господа и твори благостыню.

В память вечную будет праведник.

28. Преподобнаго и благовернаго Петра, царевича Ордынскаго, Ростовскаго чудотворца

Величание

Ублажаем тя, преподобне и благоверне царевичу Петре, отеческое нечестие и царство оставившаго и на святой Руси, в Ростове Великом, иноческими подвигами единаго истиннаго Бога прославившаго.

Псалом

Всем сердцем моим взысках Тебе.

Тебе рече сердце мое: Господа взыщу.

Готово сердце мое, Боже, готово сердце мое.

Пути Твоя, Господи, скажи ми.

Господь просвещение мое.

Сказал ми еси пути жизни.

Благословлю Господа, вразумившаго мя.

Чужд бых братии моей, и странен сыновом матере моея.

Се удалихся, бегая, чаях Бога спасающаго мя.

От Господа стопы человеку исправляются.

Пресельник аз есмь у Тебе и пришлец.

Удиви Господь преподобнаго Своего.

Восхвалятся преподобнии во главе и возрадуются на ложах своих.

Пойте Господеви преподобнии Его и исповедайте память святыни Его, во всех людех чудеса Его.

29. Святых славных, всехвальных и первоверховных апостолов Петра и Павла

Величание

Величаем вас, первоверховнии апостоли Петре и Павле, весь мир ученьми вашими просветивших и все концы ко Христу приведших.

Псалом апостолам во псалтири.

30. Собор святых славных и всехвальных апостолов дванадесяти

Величание

Величаем вас, святии славнии и всехвальнии дванадесяточисленнии апостоли, весь мир ученьми вашими просветивших и все концы ко Христу приведших.

Псалом избранный апостолам во псалтири.